MAURITANIA

I.
MAURITANIA
Africae regio, extrema versus Gaditanum fretum, et Occidentalem Oceanum, in quo Antaeus gigas regnâsse dicitur, ab Hercule victus. Est autem duplex, Caesariensis a Caesarea, et Tingitana, a civitate Tingi. Sic dicta ἀπὸ τοῦ μαυροῦ, quod
obscurum, vel nigrum significat, quod nigros habeat colonos, unde Iuvenal. Sat. 5. v. 53.
------ Nigri manus ossea Mauri.
Marcus Manilius Astronomic. l. 4.
Poenus arenosis Afrorum pulvere terris
Exsiccat populos, et Mauritania nomen
Oris habet, titulumque suô fert ore colorem.
Gignit simias, dracones, struthiones et elephantes. Eius incolae Mauri dicuntur. Invaluit autem iam apud nostros consuetudo, ut omnes Africae et Asiae populi, Mahometanae superstitioni dediti Mauri dicantur. Incolis Numidia, vulgo Barbaria hodie. Phut etiam Ebraeis dicitur, teste Ariâ Montanô in suo Apparatu Biblico, an a Phut filio Chami, unde et fluvii Phut meminêre Ioseph. et Hieronym. et totam hinc regionem Phutensem appellavêre. Strabo eam Massyliam, et Massaesyliam appellatam scribit, incolas Massaesylos vocat Plin. l. 5. c. 9. qui hodie, ut dictum, Mauri vocantur, ex Arabibus vel Saracenis orti, et Mauritaniâ occupataâ, Mahometismum ibi plantârunt. Hi, Rodericô Hispaniae regnum, post Vitizam Regem excaecatum, occupante, a Iuliano Praesecto Tingitano, apud quem Vitizae filii exules degebant, quique ob stuprum filiae suae a Roderico illatum ultionem meditabatur, invitati, primo quidem per Mazam, Legatum in Africa Valiti Caliphae exiguas illi submisêre copias, postea his victis, Tarechus cum maioribus, Hispaniam ingressus est, A. C. 711. in monte Abila, postea Gabel-Tarich, Gibalter vel Gribaltar dictô, semuniens. Post quae auctus viribus a Mose, Armeniae Praefecto, Hispalim cepit, etc. A. C. 712. Annô sequente, occiso Rodericô, totum regnum occupavêre Mauri, Cordubae Imperii sede constitutâ: Exin, quidquid Wisigothi possederant, tamquam iure debitum, vindicaturi. Occitaniam et Provinciam ingressi, Nemausum, Narbonem, Avenionem occuparunt, etc. victô Abderamô, a Carolo Martello, ulterius penetrare prohibiti. Interea Pelagius in montanis Asturiae manu coactâ, Regni Oviedi et Legionis fundamentis, A. C. 712. iactis, saepius fudit Mauros, qui et alibi victi, totâ Hispaniâ paulatim exutisunt, donec Boadbilâ, ultimô Rege, superatô, Granatense quoque regnum cum Metropoli, Ferdinando et Isabellae cesserunt, A. C. 1492. postquam A. C. 800. rerum in Hispania fuissent potiti. Ubi tamen hodieque Mahometanae superstitionis occultae reliquiae, Gregor. Turonens. et Aimoin. Hist. Ado in Chron. Isidorus, Rodericus, Vasaeus, Garibaeus, Turquet. Mariana Hist. Hisp. Marmol. descr. Afric. Avogadrus, Histor. Afric. Hodie regnum Tremissenum hôc locô videtur, ut Girava, et Niger quoque attestantur. Tingltanam a Bogud rege Bogudianam aliquando cognominatam tradit Plin. l. 5. c. 1. et 2. Sitiphensis, et Hispania transfretana a Sexto Rufo: et in lib. Notit. Hispania Tingitana nominatur. Inserior Mauritama a Xiphilino, in vita Severi nuncupatur. Regnum Marocco eius locô statuit Augustinus Curio, Fessa vero Niger. Alarabes hodie incolas vocant Hispani, Olivariô teste, quasi dicerent Arabes, Al enim articulus Arabicus. Strabo et Herodianus l 1. c. 15. aiunt Mauritaniam Romanis subiectam, et ab ipsis incolis Numidiae nomen obtinere. Baudrando Mauritania regio fuit Africae, ab Ortu in Occasum extensa, ubi nunc pars Occidentalis Barbariae. Triplex fuit, nempe Caesariensis, Sitifensis, et Tingitana.
Mauritania Caesariensis erat inter Sitifensem ad Ortum, et Tingitanam ad Occasum, Gaetulos ad Meridiem, et mare Mediterraneum ad Boream, ubi nunc pars maior et Occidentalis regni Algerii. Mauritania Sitifensis erat, inter Caesariensem ad Occasum, Gaetulos ad Austrum, Numidiam ad Ortum, et mare Mediterraneum ad Boream, ubi hodie pars minor et Orientalis regni Algerii. Mauritania Tingitana dicta fuit etiam Hispan. Transfretana tempore Constantini; eratque inter Oceanum Atlanticum ad Occasum, Fretum Gaditanum et mare Mediterraneum ad Boream, Mauritaniam Caesariensem et Gaetulos ad Ortum, et Autololas ad Meridiem. In quo tractu sunt hodie regna Fezzae et Marochii.
MAURITANIAE URBES ADHUC EXSTANTES.
Arsenaria Caesariensis, Arsen, seu Arzerum. Baba Tingitanae, Beniteuda. Banasa quae et Valentia, Tingitanae, Fanfara. Bocanum Hemerum seu Marochium, Tingitanae, Maroc. Cartennae Gaesariensis, Mostagan. Deorum Portus Caesariensis, Mazzagran. Exilissa, Tingitanae Ceuta. Fessa Vide Volubilis. Gontiana Tingitanae, Gemaa. Iagath Tingitanae, Targa. Icosium Caesariensis, Acor. Igilgili Caesariensis, Gigeri. Iol. Vide Iulia Caesarea. Iulia Caesarea Caesariensis, Tenez. Lixa et Lixos, Tingitanae, Latache. Manliana Caesariensis, Meliane. Marochium Tingitanae, alias Bocanum Hemerum, Maroc. Mysocoras Tingitanae, Aman. Opinum olim Episcopalis, Tingitanae, Rabath. Oppidum novum Caesariensis, Mezuna. Portus magnus Caesariensis, Marzalquivir. Quiza Caesariensis, Oran. Rusazus Caesariensis, Carbon. Rusconia Caesariensis, Morafus. Rusibis et Rutubis, Tingitanae, Ommirabi, seu Azamor. Russocorum seu Rusucurum, Caesariensis, Alger. Ryssadirum Tingitanae, Melilla. Sala. Tingitanae Sale. Salde colonia Caesariensis, Bugia. Sittici olim colonia, Episcopalis Caesariensis, Sitifi, seu Steffe.
Tamusida Tingitanae, Tifeldest. Tenissa Caesariensis, Tenexa. Timice Caesariensis, Tremisen. Tingi et Tingis Tingitanae, Tanger. Tocolosida Tingitanae, Mergo. Vagae Caesariensis, Tagdemet. Victoria olim Episcopalis, Caesariensis, Agobal. Volubilis Tingitanae, Fez. Zilis et Zilia Tingitanae, Arzilla.
II.
MAURITANIA
oppid. Galliae Ceticae in Comitatu Perticensi, Mortaigne, apud Bellismum oppid. Vide Moritania.

Hofmann J. Lexicon universale. 1698.

Look at other dictionaries:

  • Mauritania — Mauritania, nombre oficial República Islámica de Mauritania (Yumhuriya Islamiya Mauritaniya), es un país en el noroeste de África. Tiene una extensa costa en el Océano Atlántico, entre Marruecos en el norte y Senegal en el sur. * * * ► Antigua… …   Enciclopedia Universal

  • Mauritania — [môr΄ə tā′nē ə, môr΄ətān′yə] country in NW Africa, on the Atlantic: formerly a French protectorate & colony, it became independent in 1960: 398,000 sq mi (1,030,816 sq km); pop. 1,864,000; cap. Nouakchott: official name Islamic Republic of… …   English World dictionary

  • Mauritanĭa — (a. Geogr.), Landschaft in Nordwestafrika, grenzte im Osten an Numidien, im Süden an Gätulien, im Westen an den Atlantischen Ocean u. im Norden an das Mittelmeer; jetzt Fez u. Marokko, nebst einem Theil von Algerien. Zur Zeit als M. zum Römischen …   Pierer's Universal-Lexikon

  • Mauritanĭa — Mauritanĭa, s. Mauretanien …   Meyers Großes Konversations-Lexikon

  • mauritânia — s. f. [Botânica] Planta cariofilácea (diantácea) …   Dicionário da Língua Portuguesa

  • Mauritania — This article is about the North African country. For other uses, see Mauretania. Islamic Republic of Mauritania الجمهورية الإسلامية الموريتانية al Ǧumhūriyyah al ʾIslāmiyyah al Mūrītāniyyah République Islamique de Mauritanie Republik bu Lislaamu… …   Wikipedia

  • Mauritania — El «país de la semana» es Mauritania El país de la semana anterior fue Islas Georgias del Sur y Sandwich del Sur …   Wikipedia Español

  • Mauritania — Mauritanian, adj., n. /mawr i tay nee euh/, n. 1. Official name, Islamic Republic of Mauritania. a republic in W Africa, largely in the Sahara Desert: formerly a French colony; a member of the French Community 1958 66; independent 1960.… …   Universalium

  • Mauritania — <p></p> <p></p> Introduction ::Mauritania <p></p> Background: <p></p> Independent from France in 1960, Mauritania annexed the southern third of the former Spanish Sahara (now Western Sahara) in 1976 …   The World Factbook

  • Mauritania — noun a country in northwestern Africa with a provisional military government; achieved independence from France in 1960; largely western Sahara Desert • Syn: ↑Islamic Republic of Mauritania, ↑Mauritanie, ↑Muritaniya • Derivationally related forms …   Useful english dictionary

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.